How Make Your Own Website : Step By Step Full Guide In Hindi - How To India

Let's Learn Something New!!! :-)

Latest Tricks

Home Top Ad

Saturday, October 6, 2018

How Make Your Own Website : Step By Step Full Guide In Hindi

Website kaise banaye | Hello friends aj hum is post me Websites kaise banaye, Website banane ke liye kin kin chijo ki jarurat padegi in sab ke bare me step by step janenge.

Website banane ki bat sun kar agar aap soch rahe hai ki kya bina technical knowledge ke website banayi ja sakti hai, To sabse pahle mai aapko bata dun ki aj ke samay me website banane ke liye jaruri nahi hai ki aapko kisi technical knowledge ki jankari ho, Aap bina programming language jaise ki HTML, PHP, CSS, JavaScript etc. jane bhi website bana sakte hai.

Dosto kuch samay pahle websites banana bahut kathin hota tha or website kewal wohi log bana pate the jinhe achi technical knowledge ki jankari hoti thi, Lekin aj ke samay me aesa nahi hai, Aj ke samay me koi bhi basic jankari se apni khud ki website, Blog easily bana sakta hai. Aj ke samay me aese kai platform hai jaha se aap bina kisi technical knowledge ki bhi ek professional website bana sakte hai.

Agar aap bhi apni khud ki website banana sikhna chahte hai to aap is post ko dhyan se padhe is post me mai aapko step by step website kaise banaye ki puri jankari dunga. Aap niche bataye steps ko follow kar easily khud ki Website, Blog bana sakenge.

To chaliye dekhte hai ki website kaise banate hai or websites banane ke liye humhe kin kin chijo ki jarurt padegi.

Website banane ki bat sun kar aap soch rahe honge ki Website free me banti hai? Ya fir website banane ke liye koi charge dena hoga? To mai aapko bata dun ki aj ke samay me aap websites free or paid dono tariko se bana sakte hai.

1. Free Websites: Free website banane ke liye aapko koi Domain name, Hosting buy karne ki jarurat nahi hai, Agar aap free me website banana chahte hai to aap Blogger.com, WordPress.com par apne gmail account se sign up kar bahut hi easily free website bana sakte hai.

2. Paid(self-hosted) Website

Is post me mai aapko ek paid professional website kaise banate hai uske bare me bata raha hun.

Ek paid website banane ke liye sabse pahle aap jis bhi topic par website banana chahte hai jaise ki Job related websites, Movies related websites, Blog, News related websites etc. jo bhi website aap banana chahte hai, uske liye aapko ek Domain name or Hosting buy karni hoti hai.

Website Kaise Banaye Step By Step Process

Process 1 :

Registered a Domain Name: Website banane ke liye sabse pahla kaam hota hai Domain Name buy karna, Domain name humare website blog ka name hota hai jiski madad se koi bhi humhre website tak pahuch sakta hai. Domain name aap Godaddy, Bigrock, Hostgator jaisi websites se buy kar sakte hai.

Buy a Web Hosting: Domain name lene ke baad dusra kaam hota hai Hosting buy karna, Jab aap koi website banate hai to use internet me live rakhne ke liye ek space ki jarurat padti hai use hi hosting kahte hai. Hosting aap Hostgator, Godaddy, Bluehost jaisi webistes se le sakte hai.

Yaha is post me mai aapko Domain name GoDaddy se or Hosting Hostgator se lekar website kaise banate hai ke bare me bata raha hun, Or agar aap kisi or website se Domain name or Hosting lete hai to bhi usme bhi lagbhag same process hota hai.

Agar meri bat kare to mai aapko Domain name Godaddy se or Hosting Hostgator se lene ke liye suggest karunga, ye dono website bahut hi popular hai.

Process 2 :

Domain name or Hosting buy karne ke baad next kaam hota hai Domain name ko Hosting se connect karna.

Domain Name Ko Hosting Se Kaise Connect Kare

Yaha me aapko godaddy se liya hua Domain name me name server kaise add kare ke bare me bata raha hun.


  1. Sabe pahle aap godadday me login kar lijiye, Usake baad My Products me chale jaye, Ab yaha par aapko aapka domain name show hogi us domain name ke samne ek DNS ka option milega us par click kar dijiye.
  2. Ab niche Nameservers me ek Change ka button milega us par click kar dijiye, ab Choose your new nameserver type me aapko Default ka option milega use change kar  Custom wale option ko select kar lijiye, fir niche 2 nameserver dalne ke option honge isme aapko apni hosting company dwara diye gye nameservers ko dalna hai, Nameserver is prakar ke hote hai Name Server 1: ns2.md-in-2.webhostbox.net, Name Server 2: ns2.md-in-2.webhostbox.net, Nameserver dalne ke baad Save ke button par click kar dijiye.


Nameservevr kaha se milega? Jab aap hosting buy karte hai to aapke mail me hosting provider company ek mail bhejti hai jaha par aapko apke order se related bahut sare chije deti hai, Jaise ki Nameserver, cpanal ki details etc. So yaha se Nameserver ko copy kar godaddy ke name server me dal dijiye.

Note : Ye nameserver change karne ka process aapko tab karna hota hai jab aapne Domain name or hosting dono alag alag website se li hui hai, Example jaise ki aapne Domain name godaddy se or hosting hostgator se li hui hai to ye process karna hoga, Agar aap Domain name or Hosting dono hi ek hi website se lete hai to aapko nameserver change karne ki jarurt nahi padti.

Process 3 :

Nameserver add karne ke baad ab aapko apne cPanel me login karna hoga, Jaha se aap apne website ko mange kar sakte hai.

cPanel me login karne ke liye aapko usi mail me jo ki hosting provider company ne bheji hai usme cPanel ki login details jaise ki Username, Password or ek URL mil jayega, jiski madad se aap cPanel me login kar sakte hai.

Sabse pahle email me ek Managing your website wale heading me ek URL diya huya hai us URL par click kar lijiye, URL par click karne ke baad cPanl ka login page open hoga jaha par aapko us email me aye Username or Password ko daal kar log in kar lena hai.

Agar aap email me diye URL se cPanel login page tak nhi pahuch pa rahe hai to aap browser me apne Domain name ke baad /cpanel likh kar bhi cpanal open kar sakte hai, Example xyz.com/cpanel.

Ab aap apne cPnal me logged in hai.

Ab agar aapko programming languages ki achi knowledge hai or aap khud se Theme, Pages etc. bana sakte hai to aap apni websites ko yaha se manage kar sakte hai, Uske liye aapko yaha ek File Manger ka option milega, File manager open karenge to aapko yaha ek public_html ka option milega jaha par aapki websites ki Theme, Pages, etc sari file yaha aapko mil jayegi, Agar aapko apni website me kuch bhi changes, edit, upload, delete etc, jo kuch bhi karna ho aap yaha se kar sakenge.

Ab agar aapko programming languages  ki achi jankari nahi hai, Ya aap apna khud ka Blog start karna chahte hai to aap apni website blog ko WordPress me bana sakte hai, Jaha par apko website blog banane ke liye kisi programming knowledge ki jarurt nahi hogi. Aap basic information ke sath wordpress par easily website blog bana sakte hai.